Doobton ko bacha lene waale

Doobton ko bacha lene waale,
Meri naiya hai tere hawale.

Laakh apno ko maine pukaara,
Sab ke sab kar gaye hain kinaara.
Aur koi na deta dikhai,
Sirf tera hi ab toh sahaara.
Kaun tujh bin bhanwar se nikaale,
Meri naiya hai tere hawale.
Doobton ko bacha…

Jis samay tu bachaane pe aave,
Aag mein bhi bacha kar dikhaave.
Jis pe teri daya drishti hove,
Kaise us par kahin aanch aave.
Aandhiyon mein bhi tu hi sambhaale,
Meri naiya hai tere hawale.
Doobton ko bacha…

Prithvi aakash parvat banaye,
Tune dharti pe dariya bahaaye.
Chaand suraj karodon sitaare,
Phool aakash mein bhi khilaaye.
Tere sab kaam jag se niraale,
Meri naiya hai tere hawale.
Doobton ko bacha…

Bin tere chain milta nahin hai,
Phool aasha ka khilta nahin hai.
Teri marzi bina toh jahan mein,
Pathik patta bhi hilta nahin hai.
Tere bas mein andhere ujaale,
Meri naiya hai tere hawale.

Doobton ko bacha lene waale.
Meri naiya hai tere hawale…